Коопсуздук эрежелерин сактайбыз!

Башталгыч класстарынын декадасынын алкагында «Коопсуздук эрежелерин сактайбыз!» аттуу иш-чара өткөрүлдү. 2025-жылдын апрель айында башталгыч класстар декадасынын алкагында 2-класстар арасында «Коопсуздук эрежелерин сактайбыз!» деген аталыштагы тарбиялык мааниге ээ иш-чара болуп өттү. Бул иш-чаранын негизги максаты – окуучуларга ар кандай кырдаалдарда өзүн туура алып жүрүү, жол эрежелерин сактоо, үйдө жана көчөдө коопсуздук эрежелерин билүү жана аларды турмушта колдонууга үйрөтүү болду.Иш-чаранын жүрүшүндө 2-класстын окуучулары атайын даярдалган сценка аркылуу коопсуздук эрежелерин көркөм чагылдырып беришти. Алар жолдо жүрүү эрежелери, өрт коопсуздугу, электр шаймандарын колдонуудагы сактык чаралары жана жалгыз адамдар менен сүйлөшүүдөгү сактык тууралуу түшүнүктөрдү сахналаштырып көрсөтүштү. Ар бир окуучу белгилүү бир эрежени көрүүчүлөргө жеткиликтүү жана таасирдүү кылып түшүндүрүп, көрүүчүлөрдүн көңүлүн бурду.Мындан тышкары, балдар коопсуздук темасына арналган ырларды ырдап, макал-лакаптарды айтып, викториналык суроолорго жооп беришти. Бул көрүнүш иш-чараны жандуу, кызыктуу жана эсте кала тургандай кылып өткөрүүгө өбөлгө болду.