Француз тили кечеси

11-апрелде мектепте Франкофония жумалыгынын алкагында француз тили кечеси өткөрүлдү. Бул иш-чара француз тилине болгон кызыгууну арттыруу жана окуучулардын тил билүүсүн өркүндөтүү максатында уюштурулду.Кече учурунда француз тили ийримине катышкан окуучулар көркөм чыгармаларды французча окуп, «Жаңылмачтар парады» аркылуу өз өнөрлөрүн көрсөтүштү. Ошондой эле атактуу «Күлала» (Cendrillon) жомогунан үзүндү сахналаштырылып тартууланды. Мындан сырткары, французча ырлар аткарылып, кечеге шаң жана өзгөчө атмосфера тартууланды.Иш-чара жылуу маанайда өтүп, окуучулардын чыгармачылыгын, өз алдынча даярдыгын жана француз тилине болгон кызыгуусун даңазалоого шарт түздү.