3-март – Кыргыз Республикасынын Мамлекеттик туу күнү

Бүгүн, 3-март – Кыргыз Республикасынын Мамлекеттик желеги күнү белгиленип, #68 ЖББОМдо ушул майрамга арналган чакан иш-чара болуп өттү. Иш-чаранын максаты – окуучуларга мамлекеттик символдордун маанисин түшүндүрүү, мекенчилдик сезимдерин күчөтүү жана желегибизге болгон сый-урматты арттыруу болду.Бул иш-чараны 6-класстын окуучулары менен биргеликте тарых мугалими Эркинбекова Аймира эжей даярдап, окуучулар желегибиздин тарыхы, түстөрүнүн жана символдорунун мааниси жөнүндө маалымат беришти. Ошондой эле, патриоттук ырлар жаңырып, окуучулар чакан сахналык көрүнүштөр аркылуу мекенге болгон сүйүүсүн билдиришти.Бул күн окуучулар үчүн маанилүү маалыматтар менен коштолуп, мекенчилдик духту көтөргөн өзгөчө иш-чара катары өттү.