3-класстар арасында спорттук эстафета

Башталгыч класстар декадасы: 3-класстар арасында өткөрүлгөн шаңдуу эстафета 

2025-жылдын 22-апрелинде мектепте башталгыч класстар декадасынын алкагында унутулгус, шаң-шатман маанайдагы спорттук эстафета өткөрүлдү. Бул жаркын иш-чара дене тарбия мугалимдеринин демилгеси жана уюштуруучулугунун негизинде 3-класстын окуучуларынын арасында өткөрүлүп, активдүүлүк жана достук духу жогорку деңгээлде чагылды.Иш-чаранын негизги максаты – окуучуларды сергек жашоого үндөө, спортко болгон кызыгуусун арттыруу, бири-бирине колдоо көрсөтүү сезимин күчөтүү жана командалык рухту өнүктүрүү болду. Таймашууга толгон эстафета ар бир катышуучуга жагымдуу маанай жана жандуу эмоцияларды тартуулады.Эстафетанын жыйынтыгында төмөнкүдөй жеңүүчүлөр аныкталды:

🥇 1-орун – 3-«Г», 3-«Д» класстары
🥈 2-орун – 3-«В», 3-«Е» класстары
🥉 3-орун – 3-«А», 3-«Б» класстары

Жеңүүчүлөрдү куттуктоо жана сыйлоо аземине башталгыч класстын окуу-тарбия иштери боюнча директордун орун басары Абдрахманова Асель Аляскаровна жана ОТИ боюнча директордун орун басары Жусупова Мунара Умаровна катышып, окуучуларга жылуу сөздөрүн айтып, спорттук грамоталарды салтанаттуу түрдө тапшырышты. Бул алардын эмгегин баалоонун, шыктандыруунун дагы бир жаркын үлгүсү болду.Мындан тышкары, иш-чаранын ийгиликтүү өтүшүнө зор салым кошкон 3-класстын класс жетекчилерине өзгөчө ыраазычылык билдиребиз. Алардын үзүрлүү эмгеги, окуучуларга болгон камкордугу жана колдоосу таймаштын ийгиликтүү жана уюшкан өтүшүн камсыз кылды.Бул күн балдардын жүрөгүндө жакшы эскерүү катары сакталары шексиз. Бардык катышуучуларга ийгилик, ден соолук жана жаңы жетишкендиктерди каалайбыз!